تاللاڭيانفون نۇسخىسى | كومپيۇتېر نۇسخىسىنى كۆرۈش
دىلرام تورى»مۇنبەر جاھاندىكى ئىشلار جەمئىيەتكە نەزەر ئەنگلىيەلىك بايۋەتچە ئۆي خىزمەتچىسى ياللىماقچى: يىللىق مائاشى 850 مىڭ يۈەن
تىزىملىككە قايتىش تېما يوللاش
كۆرۈش: 1018|ئىنكاس: 0

ئەنگلىيەلىك بايۋەتچە ئۆي خىزمەتچىسى ياللىماقچى: يىللىق مائاشى 850 مىڭ يۈەن

[ئۇلانما كۆچۈرۈش]

561

تېما

581

يازما

1996

جۇغلانما

ئالتۇن ئەزا

Rank: 6Rank: 6

جۇغلانما
1996

20170824065503919.jpg
جۇڭگو خەۋەر تورىنىڭ 2017-يىلى 8-ئاينىڭ 24-كۈنىدىكى خەۋىرى:
ئەگەر سىز كىچىك بالىلارغا ئامراق بولسىڭىز، خىزمەت تېپىشىڭىز ۋە خېلى يۇقىرى كىرىم قىلالىشىڭىز ھازىرقى جەمئىيەتتە ئانچە تەس ئەمەس، مەيلى سىز ئەر ياكى ئايال بولۇڭ ئوخشاش، بۇ خىزمەت دەل ئۆي خىزمەتچىسى ياكى بالا باققۇچىلىق خىزمىتىدۇر.
ئامېرىكا سىملىق تېلېۋىزىيە ئىستانسسى سۈنئىي ھەمراھ ئاخبارات قانىلى (CNBC) نىڭ 21-چېسلا خەۋەر قىلىشىچە، لوندوندىكى بىر بايۋەتچە دۇنيانىڭ ھەر قايسى جايلىرىدىن ئۆيىگە تەجىربىلىك بىر ئۆي خىزمەتچىسى ئىزدەش توغرىسىدا ئېلان چىقارغان بولۇپ، بۇ ئۆي خىزمەتچىسىنىڭ تەمىناتىدا دۇنيانى ئايلىنىش، مىچېلىن تائاملىرى (Michelin food) بىلەن غىزالىنىش، يىلدا 100 مىڭ فوندستېرلىڭ (يەنى تەخمىنەن 850 مىڭ يۈەن خەلق پۇلى) مائاش بېرىش قاتارلىقلارنى ئۆز ئىچىگە ئالىدىكەن.
خەۋەر قىلىنىشىچە، مەزكۇر بايۋەتچە بالا تەربىيلەش مۇلازىمىتى تور بېكىتىگە ئېلان بېرىپ مۇنداق دەپ يازغان: «بىز ھازىر تولىمۇ كەسىپچان بىر ئۆي خىزمەتچىسىگە ئىھتىياجلىق، ئۆي خىزمەتچىسىدە بالىلار پىسخىكىشۇناسلىق ئىلمى بويىچە ئۇنۋان بولۇشى، ئۆزىنىڭ بالىسى بولماسلىقى، ئاز دېگەندە 15 يىللىق بالا بېقىش، ئۆي خىزمەتچىلىكى قىلىش تەجىربىسى بولۇشى كېرەك.»
20170824065503669.jpg
مەزكۇر بايۋەتچىنىڭ تەلەپلىرىدىن يەنە مۇنۇلار بار، كۆڭۈلدىكىدەك ئۆي خىزمەتچىسىدە ئۆزىنى قوغداش ئىقتىدارى بولۇشى كېرەك، ئەگەر گۇمپا مەشىق قىلىپ باقمىغان بولسا، بىز قوبۇل قىلىنغان ئۆي خىزمەتچىسىگە گۇمپا مەشىق قىلىش كۇرسى ئۈچۈن پۇل تۆلەپ تەربىيلەيمىز. پۇلنى بىز چىقىرىمىز، بىراق ئۆي خىزمەتچىسى چوقۇم مەشىق قىلىشى كېرەك، بۇ چوقۇم ئورۇنلاشقا تېگىشلىك شەرت. ھېچ قانداق مەسلىھەتلەشكىدەك ئورۇن يوق.
خەۋەردە دېيىلىشىچە، بۇ بايۋەتچىنىڭ ئەنگلىيە پايتەختى لوندون شەھىرى، باربادوس (Barbados) شەھىرى (شەرقى كارب دېڭىزى كىچىك ئانتىللېس تاقىم ئاراللىرى (Lesser Antilles) نىڭ ئەڭ شەرقىگە جايلاشقان) دە، كاپې توۋن شەھىرى (جەنۇبى ئافرىقىنىڭ ئىككىنچى چوڭ شەھىرى، جەنۇبىي ئافرىقىنىڭ ئاساسى قانۇن پايتەختى، غەربىي كاپې ئۆلكىسىنىڭ مەركىزى شەھىرى، جەنۇبىي ئافرىقا پارلامېنتى ۋە كۆپ قىسىم ھۆكۈمەت ئورگانلىرى تۇرۇشلۇق شەھەر) دە ۋە ئاتلانتا (ئامېرىكىنىڭ شەرقىدىكى شەھەر) دە ئۆيى بار، ئۇلارنىڭ تۆت بالىسى بار، بالىلارنىڭ يېشى 2 ياشتىن 15 ياشقىچە. ئۇلار ھازىر ئۆيدە يېتىپ قوپۇپ ئىشلەيدىغان بىر ئۆي خىزمەتچىسىگە موھتاج، ئۆي خىزمەتچىسى ئۇلار بىلەن بىللە دۇنيانى ساياھەت قىلسا بولىدۇ، ھەر ھەپتىدە ئۈچ قېتىم چەت ئەلگە چىقىپ ساياھەت قىلىش پۇرسىتى بار.
ئەلۋەتتە، بۇنداق ياخشى خىزمەتكە قويۇلىدىغان تەلەپمۇ خېلى قاتتىق بولىدۇ.
قوبۇل قىلىنغان ئۆي خىزمەتچىسى ھەر ھەپتىدە ئالتە كۈن، ھەر كۈنى سەھەر سائەت 7 دىن كەچ سائەت 8 گىچە، كۈنىگە 13 سائەت خىزمەت قىلىشى كېرەك. ئۆي خىزمەتچىسى يەنە چوقۇم بالىلار بىلەن بىرلىكتە دەرس ئوقۇشى لازىم.
20170824065503993.jpg
ئۆي خىزمەتچىسى يەنە بالىلارنى مەكتەپتە ئېلىپ بېرىش ۋە ئېلىپ كېلىش، بالىلارنى لاگېر پائالىيىتى، دالا پائالىيىتىگە ئېلىپ چىقىش قاتارلىق پائالىيەتلەرگە قاتنىشىدۇ، بۇ جەرياندا ئۆيدىكى ماشىنىلاردىن بىرىنى ئىشلەتسە بولىدۇ، ئۆيدە بار ماشىنىلاردىن پورسچى (Porsche)، لەندىروۋېر (Land Rover Range Rover) ۋە ماسىراتى (Maserati) قاتارلىقلار بار.
قوبۇل قىلىنغان ئۆي خىزمەتچىسى يەنە ۋاقىتنى قانداق ئورۇنلاشتۇرۇشقا دىققەت قىلىشى كېرەك. بايۋەتچە مۇنداق دېدى: «بىز ئۆي خىزمەتچىسىنىڭ بوش ۋاقىتلىرىدا نېمە ئىش قىلىشىغا ئارىلىشىۋالمايمىز. بىراق ھاراق ئىچىش ياكى زەھەر چېكىش قاتارلىق قىلمىشلارغا قەتئىي يول قويۇلمايدۇ، ئەگەر شۇنداق ئىشلار بايقالسا دەرھال خىزمەتتىن ھەيدىلىدۇ.»
ئۆي خىزمەتچىسى قوبۇل قىلىش ئېلانىدا بۇ بايۋەتچىنىڭ سالاھىيتى ئاشكارىلانمىغان بولسىمۇ، بىراق بالىلارنىڭ ئانىسى ئامېرىكا سىملىق تېلېۋىزىيە ئىستانسسى سۈنئىي ھەمراھ ئاخبارات قانىلىغا ئۆزلىرى چىقارغان ئېلاننىڭ ھەقىقەتەن راست ئىكەنلىكىنى ئىسپاتلىغان.
20170824065504561.jpg
بۇ ئانا قىسقا ئۇچۇر ئارقىلىق ئامېرىكا سىملىق تېلېۋىزىيە ئىستانسسى سۈنئىي ھەمراھ ئاخبارات قانىلىغا مۇنداق دېگەن: «ھازىرغا قەدەر بىز جەمئىي 300 دىن ئارتۇق ئىلتىماسنى تاپشۇرۇۋالدۇق، بىراق كۆپ قىسىم ئىلتىماس قىلغۇچىلار بىزنىڭ تەلىپىمىزگە ئانچە بەك ماس كەلمەيدىكەن. يەنە ئاز بىر قىسىم ئىلتىماس قىلغۇچىلار بىزنىڭ كېيىنكى تاللاش نىشانىمىز قىلىپ بېكىتىلدى.»
خەۋەردە دېيىلىشىچە، قوبۇل قىلىنغان ئۆي خىزمەتچىسى چوقۇم مەخپىيەتلىكنى ساقلاش كېلىشىمى ئىمزالىشى كېرەك ئىكەن. بالىلارنى تەربىيلەش مۇلازىمەت تور بېكىتىنىڭ خەۋەر قىلىشىچە، مەزكۇر ئېلان تۇنجى قېتىم 8-ئاينىڭ 9-كۈنى تورغا يوللانغان. تور بېكەت خىزمەتچىسى ئامېرىكا سىملىق تېلېۋىزىيە ئىستانسسى سۈنئىي ھەمراھ ئاخبارات قانىلىغا مۇنۇلارنى ئاشكارىلىدى، ئېلان چىقارغان بايۋەتچە ۋە ئايالىنىڭ شەخسىي ئۇچۇرلىرى ۋە ئېلان مەزمۇنى ھەقىقەتەن راست.


ئىنكاس

جابدۇق پاش قىلىش

ياقتۇرىشىڭىز مۇمكىن؟

ئاپتور ۋە ئەڭ يېڭى 10 ئىنكاسقا مۇناسىۋەتلىك يېڭى تېمىلار

ئىنكاس يازغانلار بۇ تېمىلارغىمۇ ئىنكاس يازغان
  • ھېچكىم ئىنكاس يازمىغان ئوخشايدۇ ...
تىزىملىككە قايتىش تېما يوللاش
كىرگەندىن كېيىن ئىنكاس يازالايسىز كىرىش | تىزىملىتىڭ

سەھىپە جۇغلانما قائىدىسى

Archiver|يانفون|قاماقخانا|دىلرام تور بېكىتى  

Powered by Discuz! X3.1(NurQut Team)© 2001-2011 Comsenz Inc. For Almizar.cn

تور بىكىتىمىزدىكى يازمىلار شۇ شەخىسنىڭ شەخسىي كۆز قارىشىغا ۋەكىللىك قىلىدۇ، تور بىكتىمىز بىلەن مۇناسىۋەتسىز. تور بىكىتىمىز پەقەتلا پىكىر ئالماشتۇرۇش سورۇنى ھازىرلىغان.

بېكىتىمىز سىياسىيلىقى كۈچلۈك ،سېرىق ھەم دۆلىتىمىز قانۇنىغا زىت بولغان يازمىلارنى چەكلەيدۇ.ئۆزىڭىزنى ئاسراپ ئالدىنىشتىن ھەزەر ئەيلەڭ مەدەنىيەتلىك تور مۇھىتى ھازىرلاپ ،ناچار ئۇچۇرلارنى پاش قىلىڭ! QQ:657458566 ، تېلېفۇن:13899953791

文明办网文明上网举报QQ657458566, 举报E-mail:657458566@qq.com ,联系电话:13899953791

GMT+8, 2017-9-22 07:06 , Processed in 0.276366 second(s), 29 queries .

تېز ئىنكاس چوققىغا قايتىش سەھىپىگە قايتىش