تاللاڭيانفون نۇسخىسى | كومپيۇتېر نۇسخىسىنى كۆرۈش
دىلرام تورى»مۇنبەر جاھاندىكى ئىشلار ئىچكى خەۋەرلەر مۇقىملىق−ئامەت، قالايمىقانچىلىق−ئاپەت
تىزىملىككە قايتىش تېما يوللاش
كۆرۈش: 1650|ئىنكاس: 0

مۇقىملىق−ئامەت، قالايمىقانچىلىق−ئاپەت

[ئۇلانما كۆچۈرۈش]

236

تېما

241

يازما

925

جۇغلانما

ئالىي دەرىجىلىك ئەزا

Rank: 4

جۇغلانما
925
ۇقىملىق−ئامەت، قالايمىقانچىلىق−ئاپەت
ئاپتونوم رايونلۇق خەلق ئىشلىرى نازارىتى پارتگۇرۇپپىسىنىڭ مۇئاۋىن شۇجىسى، نازىر توختى ياقۇپ

يېقىندا كېرىيە ناھىيەسى جاي يېزىلىق پارتكومنىڭ مۇئاۋىن شۇجىسى، يېزا باشلىقى ئوبۇلقاسىم مەتتۇرسۇن يازغان «ئۇيغۇر قېرىنداشلارغا خىتاب» قىزغىن ئىنكاس قوزغىدى. مەن بۇ «خىتاب»تا ئۇيغۇر قېرىنداشلارنىڭ ئىناقلىق ۋە مۇقىملىقنى ئارزۇ قىلىدىغان، ئىتتىپاقلىق ۋە بەختكە تەلپۈنىدىغان يۈرەك ساداسى ئەكس ئەتتۈرۈلگەن، دەپ قارايمەن. مەن ھەقىقىي ھېسسىياتنى ئىپادىلەيدىغان بۇ ھەرىكەتنى ناھايىتى قۇۋۋەتلەيمەن ھەم قوللايمەن.
  زوراۋانلىق، تېررورلۇق جىنايىتى ئاممىنىڭ ياشاش ھوقۇقى ۋە تەرەققىيات ھوقۇقىغا ئېغىر دەخلى - تەرۇز قىلىدىغان بولۇپ، زوراۋان - تېررورچىلار ھەر مىللەت خەلقنىڭ ئورتاق دۈشمىنى. زوراۋان - تېررورچىلار قانچە غالجىرلاشقانسېرى، ئاممىنىڭ ئىجتىمائىي مۇقىملىقنى قوغداش ئىرادىسى شۇنچە مۇستەھكەملىنىپ، ھەر مىللەت خەلقنىڭ مىللەتلەر ئىتتىپاقلىقىنى قوغداش ئىشەنچى شۇنچە چىڭىيىدۇ. «ئادالەت ئالدىغا بىر قەدەم سىلجىسا، جاھالەت ئارقىغا بىر قەدەم چېكىنىدۇ»، ھەققانىيەت ھامان رەزىللىك ئۈستىدىن غالىب كېلىدۇ، ئىتتىپاقلىق ھامان بۆلگۈنچىلىكنى بېسىپ چۈشىدۇ. زوراۋانلىق، تېررورلۇق ھەرىكىتى ھەرقانداق دۆلەت ۋە ھەرقانداق رايوندا قاتتىق جازاغا ئۇچرايدۇ. دۆلىتىمىز قانۇن ئىدارە قىلىدىغان سوتسىيالىستىك دۆلەت، بىز ناھايىتى ئاز ساندىكى بىر ئوچۇم زوراۋان - تېررورچىلارنىڭ قانۇننى دەپسەندە قىلىپ، ئىجتىمائىي مۇقىملىققا، ۋەتەننىڭ بىرلىكى ۋە مىللەتلەر ئىتتىپاقلىقىغا بۇزغۇنچىلىق قىلىشىغا قەتئىي يول قويمايمىز.
  تارىخىي ئەمەلىيەت مۇقىملىق −ئامەت، قالايمىقانچىلىق − ئاپەت ئىكەنلىكىنى ئىسپاتلىدى. جەمئىيەت مۇقىم بولسا، ئىقتىساد ياخشى ھەم تېز تەرەققىي قىلىپ، پۇقرالار بەختىيار تۇرمۇشقا ئېرىشەلەيدۇ. يېقىنقى يىللاردىن بۇيان، پارتىيە مەركىزىي كومىتېتىنىڭ دانا رەھبەرلىكى، مەملىكەت خەلقىنىڭ زور كۈچ بىلەن قوللىشى نەتىجىسىدە، شىنجاڭنىڭ ئىتتىپاقلىقى، مۇقىملىقى ۋە ئىقتىسادىي، ئىجتىمائىي تەرەققىياتى توسۇۋالغىلى بولمايدىغان تارىخىي ئېقىمغا ئايلىنىپ، ھەر مىللەت ئاممىنىڭ ئېرىشىش تۇيغۇسى، بەخت تۇيغۇسى داۋاملىق كۈچىيىپ، ئىتتىپاقلىقنى سۆيۈش، مۇقىملىققا تەلپۈنۈش، تەرەققىياتقا ئىنتىلىش ۋەزىيەتنىڭ تەقەززاسى ۋە خەلقنىڭ ئارزۇسى بولۇپ قالدى. بۆلگۈنچىلىك پەيدا قىلىشقا ئۇرۇنۇپ، زوراۋانلىق، تېررورلۇق ھەرىكىتى بىلەن شۇغۇللىنىش ئۆزىنى چاغلىمىغانلىق بولۇپ، ھەر مىللەت خەلقنىڭ قەتئىي قارشىلىقىغا ئۇچرايدۇ ھەم ئۈزۈل - كېسىل مەغلۇبىيەت بىلەن ئاخىرلىشىدۇ.
  ھەر مىللەت ئامما ھەقىقىي تۆمۈر قورغان بولۇپ، زوراۋان - تېررورچىلار قانچە چوڭقۇر يوشۇرۇنغان تەقدىردىمۇ، ئاممىنىڭ كۆزىدىن قېچىپ قۇتۇلالمايدۇ. خەلق ئىشلىرى خىزمىتىنى ئىشلەش سۈپىتىمىز بىلەن خەلق ئىشلىرى خىزمىتىنىڭ باش نىشاننى ئىشقا ئاشۇرۇشتىكى مۇھىم رولىنى تولۇق جارى قىلدۇرۇپ، شەھەر - يېزىلارنىڭ تۆۋەن تۇرمۇش كاپالىتى، داۋالىنىش ياردىمى، ئاپەتتىن قۇتقۇزۇش، ئىجتىمائىي ياردەم، كۈتۈنۈش ۋە «ئىككىنى مەركەزلەشتۈرۈپ بېقىش» قاتارلىق تۈرلۈك خەلق ئىشلىرى خىزمىتىنى ئەستايىدىل ياخشى ئىشلەپ، پارتىيە ۋە ھۆكۈمەتنىڭ خەلققە نەپ يەتكۈزۈش سىياسەتلىرى ۋە خىزمەتنى پۇختا ئىشلەش ئارقىلىق ئەلنىڭ غېمىنى يەپ، ئەلنىڭ قىيىنچىلىقىنى ھەل قىلىپ، ئەلنىڭ ھالىغا يېتىمىز، خەلقنى چوڭقۇر سۆيىدىغان قەلب ۋە ھېسسىياتىمىز بىلەن ياردەم ۋە قۇتقۇزۇش مەبلىغىنى ياردەمگە ئەڭ ئېھتىياجلىق، قىيىنچىلىقى بار ئاممىنىڭ قولىغا، ئاپەتتىن قۇتقۇزۇش ئەشيالىرىنى ئاپەتكە ئۇچرىغان ياردەمگە ئەڭ ئېھتىياجلىق ئاممىغا يەتكۈزىمىز، ھەر مىللەت ئاممىنى يولداش شى جىنپىڭ يادرولۇقىدىكى پارتىيە مەركىزىي كومىتېتىنىڭ ئەتراپىغا زىچ ئۇيۇشتۇرۇپ، ئۇلارنى پارتىيەگە ئىشىنىپ، پارتىيەگە مىننەتدارلىق بىلدۈرۈپ، پارتىيەگە ئەگىشىپ مېڭىشقا يېتەكلەپ، زوراۋان - تېررورچىلار بىلەن كۈرەش قىلىدىغان ئاممىۋى ئاساسنى مۇستەھكەملەپ، زوراۋان - تېررورچىلارنى خەلق ئۇرۇشىنىڭ بىپايان دېڭىزىغا غەرق قىلىمىز.
  باش شۇجى شى جىنپىڭ: شىنجاڭ خىزمىتىنىڭ ياخشى ئىشلەنگەن - ئىشلەنمىگەنلىكىگە باھا بېرىشتە، ئەڭ ئاساسلىقى بۆلگۈنچىلىككە قارشى تۇرۇش كۈرىشىنىڭ قانداق ئىشلەنگەنلىكىگە، تىنچ - ئىتتىپاق سىياسىي ۋەزىيەت ھەم ئىناق - مۇقىم ئىجتىمائىي ۋەزىيەتنىڭ ساقلانغان - ساقلانمىغانلىقىغا قاراش كېرەك، دەپ كۆرسەتتى. بۇ ئالاھىدە سىياسىي سىناق ئالدىدا، بىز ئىشنى ئۆزىمىزدىن باشلاشتا چىڭ تۇرۇپ، سىياسىي ئاڭ، ئومۇمىيەت ئېڭى، يادرو ئېڭى، بىردەكلىك ئېڭىنى كۈچەيتىپ، پارتىيەۋىلىككە ئەھمىيەت بېرىپ، مەسئۇلىيەتنى دادىل زىممىمىزگە ئېلىپ، دادىل ئوتتۇرىغا چىقىمىز. زوراۋانلىق، تېررورلۇق ھەرىكىتىگە قەتئىي قارشى تۇرۇپ، شىنجاڭدىكى ھەر مىللەت ئاممىنىڭ تەستە قولغا كەلگەن بەختىيار تۇرمۇشىنى قەتئىي قوغداپ، زوراۋانلىق، تېررورلۇق ھەرىكىتى بىلەن قەتئىي كۈرەش قىلىمىز. بايرىقىمىز روشەن، مەيدانىمىز مۇستەھكەم ھالدا مىللەتلەر ئىتتىپاقلىقىنى كۈچەيتىپ، ئىجتىمائىي مۇقىملىق ۋە ۋەتەننىڭ بىرلىكىنى قوغداپ، زوراۋان - تېررورچىلارنىڭ دىنىي ئەسەبىيلىك ئىدىيەسى ۋە قانۇنسىز دىنىي پائالىيەتلەردىن پايدىلىنىپ ئىجتىمائىي مۇقىملىققا بۇزغۇنچىلىق قىلىشىغا ھەرگىز يول قويمايمىز. بىز ۋەتەننىڭ بىرلىكى، جەمئىيەتنىڭ تىنچلىقى ۋە خەلقنىڭ بەخت - سائادىتىنى قوغداش كۈرىشىنىڭ غەلىبىسىنى قەتئىي قولغا كەلتۈرۈپ، شىنجاڭنىڭ ئىجتىمائىي مۇقىملىقى ۋە ئەبەدىي ئەمىنلىك باش نىشانىنى ئىشقا ئاشۇرۇش ئۈچۈن تۆھپە قوشىمىز!

مەسئۇل مۇھەررىر : روشەنگۈل
مەنبە:http://uyghur.xjdaily.com/47/33441.html



ئىنكاس

جابدۇق پاش قىلىش

ياقتۇرىشىڭىز مۇمكىن؟

ئاپتور ۋە ئەڭ يېڭى 10 ئىنكاسقا مۇناسىۋەتلىك يېڭى تېمىلار

ئىنكاس يازغانلار بۇ تېمىلارغىمۇ ئىنكاس يازغان
  • ھېچكىم ئىنكاس يازمىغان ئوخشايدۇ ...
تىزىملىككە قايتىش تېما يوللاش
كىرگەندىن كېيىن ئىنكاس يازالايسىز كىرىش | تىزىملىتىڭ

سەھىپە جۇغلانما قائىدىسى

Archiver|يانفون|قاماقخانا|دىلرام تور بېكىتى  

Powered by Discuz! X3.1(NurQut Team)© 2001-2011 Comsenz Inc. For Almizar.cn

تور بىكىتىمىزدىكى يازمىلار شۇ شەخىسنىڭ شەخسىي كۆز قارىشىغا ۋەكىللىك قىلىدۇ، تور بىكتىمىز بىلەن مۇناسىۋەتسىز. تور بىكىتىمىز پەقەتلا پىكىر ئالماشتۇرۇش سورۇنى ھازىرلىغان.

بېكىتىمىز سىياسىيلىقى كۈچلۈك ،سېرىق ھەم دۆلىتىمىز قانۇنىغا زىت بولغان يازمىلارنى چەكلەيدۇ.ئۆزىڭىزنى ئاسراپ ئالدىنىشتىن ھەزەر ئەيلەڭ مەدەنىيەتلىك تور مۇھىتى ھازىرلاپ ،ناچار ئۇچۇرلارنى پاش قىلىڭ! QQ:657458566 ، تېلېفۇن:13899953791

文明办网文明上网举报QQ657458566, 举报E-mail:657458566@qq.com ,联系电话:13899953791

GMT+8, 2017-11-20 05:32 , Processed in 0.343695 second(s), 26 queries .

تېز ئىنكاس چوققىغا قايتىش سەھىپىگە قايتىش